Gamtaan Mootummoota buufata baqattoota Suudaan keessatti haleellaan diroonii daa’imman irratti raawwatamuu hordofee nageenni daa’immanii yaaddoo keessa jiraachuu akeekkachiise.
Published Feb. 20, 2026, 2:22 p.m. by FNN Staff
ODUU FNN
Suudaan naannoo Lixaa Koordofaan, bakka Al Sunut jedhamu kan buqqaattoonni qubatan irratti haleellaa diroonii raawwatameen yoo xiqqaate lubbuun daa’imman 15 darbuu hordofee, Gamtaan Mootummoota ibsa baase.
Gamtichi ibsa isaa kanaan, daa’imman biyyattii keessa jiran balaa cimaaf saaxilamaa jiraachuu akeekkachiiseera.
Dhaabbanni Mootummaa Gamtoomanii waldhabdeen Suudaan keessatti itti fufaa jiru “to’annoo ala” ta’uu isaa ibsee, wal waraansa kana irraa kan ka’e miidhaan daa’imman irra gahaa jiru sadarkaa ol'aanaa ga’uullee yaadachise.
Daarektarri olaanaan UNICEF Kaatiriin Raasil ibsa kennaniin, “Suudaan keessatti maatiin abdii kutatan beelaafi jeequmsa irraa baqatani eeguufi dirqama qabna,” jedhaniru.
Daarektarri olaanaa kun itti dabaluudhaan haalli naannoo Kordofanif Daarfuur keessatti mullachaa jiru gaddisiisaadha jedhan. Akkasumalle ''Daa'imman ajjeefaman, miidhamani, qe'ee isaanii irraa buqqa'an tajaajila barbaachisaa dhabuun rakkataa jiraachuu argaa jirra,'' jedhan.
UNICEF mootummaan Suudaanifi qaamoleen wal waraana jiran hundi lammiilee nagaa, keessattuu daa’imman akka eegan, haleellaan iddoo buqqaattotaafi bu’uuraalee uummata nagaa irratti raawwatamu hatattamaan akka dhaabatu waamicha dhiyeesseera.
Dhaabbatichi fedhiin gargaarsa namoomaa saffisaan dabalaa waan jiruuf, namoota deeggarsa barbaadaniif qarqaarsi namoomaa danqaa tokko malee itti fufiinsaan akka dhaqabus gaafateera.
Similar posts:
Waraana Ameerikaa,Israa'el fi Iraan jiduutti balaan "wixinee misaa'elaa" dhufuuf jira!
Kooriyaan kaabaa gochaa Ameerikaa fi Israa'el iraan irratti raawwatan balaaleffatte.
Godinaalee Wallagga Bahaa fi Horroo Guduruu Wallaggaatti humna finxaalessa Faannoo irratti jalqabee “ajaja gubbaa dhufe” jedhamee guyyoota muraasa keessatti dhaabsifamuun uummata gatii guddaa kafalchiisaa jiraachuu jiraattonni himan.
Raayyaan Ittisa Biyyaa naannolee tokko tokkoo gad lakkisee ba’uun yaaddoo nageenyaa uumuun ibsame