Samaraatti balaa Tiraafikaa muudateen lubbuun namoota 22 darbe.
Published Jan. 6, 2026, 2:39 p.m. by FNN Staff
ODUU FNN
Naannoo Affaar magaalaa Samaraatti balaa Tiraafikaa muudateen lubbuun namoota 22 darbe.
Balichi har’a barii naannawaa sa’aatii 11:00 kan mudate yoo ta’u, konkolaataan fe’umsaa walharkisu godaantoota fe’e imalaa ture addabaabayii magaalaa Samaraatti kufee garagaluun miidhaa kana dhaqqabsiisuun ibsameera.
Godaantoonni kunneen faddaaltoota seeraan alaa gowwoomfamanii karaa seeraan alaa gara alaatti bahuuf wayita imalarra jiran miidhamuu isaanii Hogganaan Biiroo Kominikeeshinii naannoo Affaar obbo Mahaammad Alii Bii’idoon himaniiru.
Hanga ammaatti lubbuun namoota 22 darbuu kan mirkanaa’e yoo ta’u, lakkoofsi namoota lubbuun darbanii dabaluu danda’a jedhan.
Dabalataan namoota 30 miidhaa cimaa fi namoota 35 irra ammoo miidhaa salphaan muudachuu himaniiru.
Dargaggoonni faddaaltoota seeraan alaan gowwomfamuurraa akka of qusatan obbo Mahaammadi yaadachiisaniiru.
Similar posts:
Baqattonni Itoophiyaa 65 Sa'uudiitti du'a eeggataa jiran birmannaa gaafatan
Sudaan Kibbaatti namoonni miiliyoona saddeetitti dhiyaatan balaa beela hammaataaf saaxilamuuf jiru jechuun dhaabbileen miti - mootummaa akeekkachiisan
Pirezidaantiin bulchiinsa yeroo Tigraay kan mootummaan federaalaa yeroo aangoo bulchiinsa isaanii waggaa 1f dheeresseef kaleessa kaabinee isaanii walgahii waamanii waliin marii irra turan.
Haleellaa Matakkalitti raawwateen ''hojjattoonni qeeraa torba ajjeefamuu'' jiraattonni himan