Dhaabbanni Mootummoota Gamtoomanii “Addunyaan keenna ol'aantummaa seeraa irraa gara ‘seera bineensa bosonaatti’ ce’aa jirti” jedhe.
Published Jan. 27, 2026, 2:21 p.m. by FNN Staff
ODUU FNN
Barreessaan Muummicha Dhaabbata Mootummoota Gamtoomanii Antooniyoo Gutereez ol'aantummaan seeraa idil-addunyaa manca’ee “seera bineensa bosonaatiin" bakka bu’aa jiraachuu akeekkachiisa hatattamaa kennaniiru.
Barreessaan muummichi Wiixata kaleessaa Mana Maree Nageennaa Kaanaadaa Hamilton keessatti falmii ifa ta’e irratti haasawa taasisaniin, seera addunyaa fi Chaartariin Dhaabbata Mootummoota Gamtoomanii sarbamaa jira jedhan.
Biyyoonni bara 2024 “Waliigaltee Fuulduraaf” jedhu fudhachuun seera addunyaa kabajuuf waadaa kan seenan yoo ta’u, Guterres garuu faallaa kanaa qeequun qabatamaan faallaa kanaa ta’aa jira jedhan.
Gaazaa irraa hanga Yukireen, Saahel irraa hanga Miyanmaarii fi Veenzuweelaa walitti bu’iinsi mul’atu mallattoo ol'aantummaa seeraa tuffachuudha jedhan. ''Seerri kun akka barbaaddanitti ajajamuu kan danda'u la carte menu’ ta'eera,'' jedhan.
Biyyoonni itti gaafatamummaa malee gocha jeequmsaa seeraan alaatti gargaaramuu, bu’uuraalee misoomaa siiviilii irratti xiyyeeffachuu, meeshaa niwukilaraa misoomsuu fi qarqaarsa namoomaa dhoorguu isaanii dabalaa dhufuu isaanii ibsaniiru.
''Caba sarbamtoonni kun fakkeenna balaa ta'e kaa'aa jiru.Biyyootni biroo seera addunyaa jalatti waan isaan irraa barbaadamu osoo hin taane, waan barbaadan akka hojjetan jajjabeessaa jiru,'' jedhan Antooniyoo Guterees.
Guterres itti dabaluudhaan dhimmoota nagaa fi nageenna idil-addunyaa irratti murtii kennuudhaaf aangoo seeraa kan qabu Mana Maree Nageennaa qofa jedhan.
Haa ta'u malee, Manni Marichaa haala idil-addunyaa amma jiru calaqqisiisuuf "haaromsa caasaa" akka barbaadu cimsanii dubbataniiru.
Manni Murtii Yakkaa Idil-addunyaa (ICC) of danda’ee socho’uu akka qabu cimsanii kan ibsan Barreessaan Muummichaa, itti gaafatamummaa malee nageenni waaraa argamuu akka hin dandeenne ibsaniiru.
Similar posts:
Waraana Ameerikaa,Israa'el fi Iraan jiduutti balaan "wixinee misaa'elaa" dhufuuf jira!
Kooriyaan kaabaa gochaa Ameerikaa fi Israa'el iraan irratti raawwatan balaaleffatte.
Godinaalee Wallagga Bahaa fi Horroo Guduruu Wallaggaatti humna finxaalessa Faannoo irratti jalqabee “ajaja gubbaa dhufe” jedhamee guyyoota muraasa keessatti dhaabsifamuun uummata gatii guddaa kafalchiisaa jiraachuu jiraattonni himan.
Gamtaan Mootummoota buufata baqattoota Suudaan keessatti haleellaan diroonii daa’imman irratti raawwatamuu hordofee nageenni daa’immanii yaaddoo keessa jiraachuu akeekkachiise.