Gartuun Bulchiinsa Mootummaa Yamanii Saa’udiin deeggaramu Gamtaan Eemireetotaa Yemen keessatti mana hidhaa dhoksaa qabdi jechuun himate
Published Jan. 20, 2026, 1:49 p.m. by FNN Staff
ODUU FNN
Bulchiinsi Mootummaa Yamanii kan Saa’udii Arabiyaan deeggaramu mootummaan Gamtaa Eemireetota Arabaa magaalaa buufata doonii Kibba Yaman Mukallaa keessatti mana hidhaa dhoksaa akka qabdu himate. Gamtaa Eemireetota Arabaa garuu haalli kun dhara jechuun haaleera.
Himanni kun wal morkii biyyoottan boba’aan badhaadhan Galoo Galaana Arabaa ittuu kan hammeesse jedhameera.
Himata kana kan dhiyeessan Saalem Al Kaanbaashii, Bulchaa Kutaa Bulchiinsa Baha Yaman Haadraamaawunti yoo ta’an, kanas wayita imala Saa’udiin deeggarame gara magaalaa cinaa Mukallaatti argamtutti miidiyaalee akka Rooyitarsi waliin imalanitti dubbatan ta’uun himameera.
Al Kaanbaashiin ibsa miidiyaaleef kennaniin, tarkaanfiin Gartuu Yaman keessatti fottoqsuuf socho’an akkasumas sochii Gamtaa Eemireetota Arabaa irratti tarkaanfiin akka fudhatamu ibsaniiru.
Gaggeessi Yaman Saa’udiin deeggartu kan haa jedhan male, himata kana Gamtaan Eemireetota Arabaa garuu himata kana haaltee jirti.
Similar posts:
Waraana Ameerikaa,Israa'el fi Iraan jiduutti balaan "wixinee misaa'elaa" dhufuuf jira!
Kooriyaan kaabaa gochaa Ameerikaa fi Israa'el iraan irratti raawwatan balaaleffatte.
Godinaalee Wallagga Bahaa fi Horroo Guduruu Wallaggaatti humna finxaalessa Faannoo irratti jalqabee “ajaja gubbaa dhufe” jedhamee guyyoota muraasa keessatti dhaabsifamuun uummata gatii guddaa kafalchiisaa jiraachuu jiraattonni himan.
Gamtaan Mootummoota buufata baqattoota Suudaan keessatti haleellaan diroonii daa’imman irratti raawwatamuu hordofee nageenni daa’immanii yaaddoo keessa jiraachuu akeekkachiise.