Magaalaa Finfinnee keessatti ji'a sadii keessatti balaan tiraafikaa kuma saddeetii ol gahuun ibsame
Published Nov. 3, 2025, 1:09 p.m. by FNN Staff
ODUU FNN
Balaan tiraafikaa kuma saddeetii ol magaalaa Finfinnee keessatti uummamuun barame.
Kurmaana jalqabaa bara baajataa 2018 keessa taatewwan balaa tiraafikaa yeroo 8,853 qabeenya irra ga'uufi balaa kunneen sababa konkolaachiftoonni seera tiraafikaa cabsaniif ta’uu Poolisiin Finfinnee beeksise.
Balaan kan hammaachaa jiraniif sababa konkolaachistoonni of eeggannoo malee konkolaachisaniif ta’uu eerun,kurmaana jalqabaa keessatti qofa konkolaachistoonni kuma 14 fi 695 ariitiin konkolaachisuu isaaniif ejjennoon irratti fudhatamuu beeksise.
Dabaluunis, konkolaachistoonni kuma tokkoofi 171 eeyyama konkolaachisummaa malee, konkolaachistoonni 172 humnaa ol dhuguun osoo konkolaachisaa jiranii qabamuun tarkaanfiin irratti fudhatamuu ibsan.
Daangaa ol ariifachiisuu, dhuganii konkolaachisuufi eeyyama malee konkolaachisuun sababoota ijoo balaa kana hameessa jiran akka ta’an hubachiisuun, balaan kun, miidhaa lubbuufi qaamaa cinatti, qabeenya mootummaafi uummataa irra miidhaa guddaa geessisaa jira jedhan.
Misoomni koriidarii keessattuu miidhamaa jira kan jedhan Poolisiin Finfinnee, konkolaachistoonni dhuganii konkolaachisan addatti miidhaa kana qaqqabsiisaa jiru jedhan. Mukkeen qarqara daandii, sararootafi qabeenyota elektirikii, akkasumas misooma bu’uuraa daandii koriidarii Buufata Xiyyaaraa Boolee irra konkolaachistoonni dhuganii konkolaachisan kun miidhaa guddaa geessisaa jiraachuu beeksisan.
Konkolaachistoota qabeenya tajaajila hawaasaaf ijaaraman irra miidhaa geessisan irratti adabbii tiraafikaa qofa osoo hintaaane qorannoo barbaachisuu taasisuun tarkaanfii cimaa irratti akka fudhatu beeksise.
Similar posts:
ODUU TAATEE TORBAN KANA KEESSAA.
Kaaba Itoophiyaatti duumessi waraanaa yeroo 2ffaa duumessaa'ee jira jedhan
Walitti bu'iinsi yeroo ammaa naannoo Amaaraas ta'ee Itoophiyaa guutuutti mul'atu hoggansi kan kennamuu fi loojistiksiin kan dhiyaatu Maqalee fi Asmaraarraa ta'uu ummanni keenya beekuu qaba jedhe Biiroon bulchiinsa naannoo Amaaraa.
UN muddama Itoophiyaa naannoo Tigraayitti muudate irratti ibsa kenne