Afrikaan Kibbaa xiyyaara lammilee Paalestaayin 150 fe'ee biyya ishee seene qorataa akka jirtu himte
Published Nov. 15, 2025, 3:42 p.m. by FNN Staff
ODUU FNN
Tajaajilli odeeffannoo nageenyaa Afrikaa Kibbaa xiyyara tajaajila dhuunfaa tokko kan Laammilee Gaazaa waraanaan miidhaman namoota 150 ol qabatee gara Johaannesbarg fa'ee dhufe eenyutu erge waan jedhu qorachaa akka jiru Prezidaantiin biyyattii Jimaata kaleessa beeksisan.
Xiyyaarri kuni ganama kamisa buufata Xiyyara Idil-addunyaa O.R. Tambo jedhamu qubachuu ibsuun garuu imaltoonni xiyyarichaa keessa turan sababa ragaan imala isaanii sirrii hin taaneef sa’aatii 12 oliif xiyyaaricha keessa bu’uu hin dandeenye jedhe.
Erga gaaffiifi deebii immigireeshinii Paalestaayin Afrikaa kibbaatti argamu waliin taasifameen booda Ejensiin daangaa Afrikaa Kibbaa qorannoo gaggeessun, Palesitiniyaanonni kun eessa qubachuufi ? yeroo hangam biyya keessa turu danada'u ?jechuun gaafiiwwan kaafaman deebii quubsaa dhabuu himera.
Akkasumas Paalestaayinoonni kun viizaa biyyaa bahumsaa kan angawoota Israa’eliin kennamuufii qabus hin qaban jedhameera. Aangawoonni Afrikaa Kibbaa jalqaba irratti imaltoota xiyyaara irraa akka bu'an eeyyamuu diduu isaaniitiin dhaabbilee miti mootummaa irraa qeeqa cimaa isaan mudateera. Paalestaayinoota 150mman maatiifi daa’imman qaban akkanumas dubartii ulfa ji’a sagal qabdu tokko dabalatee lammilleen kunneen xiyyaara garmalee ho’uu, kan nyaataafi bishaan dhugaatii hin qabne keessa tursisuu isaaniifis dhaabbileen kun komataniiru.
Pireezidaantiin Afrikaa Kibbaa Siiriil Raamaafoosaa akkaataa Paalestaayinoonnii Keeniyaa Naayiroobii gara Afrikaa Kibbaatti dhufan adda baasuuf qorannoon gaggeeffamaa jira jedhan.
Imbaasiin Paalestaayin Afrikaa Kibbaa ibsa kenneeni, balaliin kana kan qopheesse “dhaabbata hin galmoofneefi dogoggorsaa haala namoomaa gaddisiisaa ummanni keenya Gaazaa keessa jirutti fayyadamuun maatii gowwoomsuun, maallaqa irraa walitti qabuun, karaa sirrii hin taaneefi itti gaafatamummaa hin qabneen imala isaaniif haala mijeessee” jechuun komateera jechuun Asooseetid Pirees gabaaseera.
Similar posts:
Ogeeyyiin fayyaa Naannoo oromiyaa iddoowwan garaagaraattii argaman kaffaltii hojii saa'atii idileen alaa Wal qabatee rakkoo keessa Akka jiran Godinaalee Oromiyaa garaagaraa irraa komii isaanii dhageessisaa jiraachuun barame.
Projektiin Buufata Xiyyaara Bushooftuu namoota 15,000 qe'ee fi qabeenya isaanirra buqqise jedhame.
Godina Salaaleetti kan argamu hojjattoonni Hospitaala Waligalaa Kuyyuu baatiiwwan arfan darbaniif kafaltiin hojii yeroo sa'atii dabalataa nuuf hin kafalamnee jedhan.
Godina Arsii, Aanaa Roobee Magaalaa Saddiiq keessatti qaamni mootummaa dargaggota mana hidhaatii baasanii dararaa hamaa irratti raawwachaa jiraachuu maddeen dubbatan.