Kibba baha Oromiyaa godina Arsii Bahaa ona Shirkaa keessatti loltoonni mootumma namoota 14 ajjeesuun dhaga’ame
Published Oct. 29, 2025, 3:37 p.m. by FNN Staff
ODUU FNN
Mootummaan abbaa irree kan naasuu namaa takkallee hin qabne goleelee Oromiyaa mara keessatti namoota nagaa maqaa qabata Waraana Bilisumma Oromoo qabduutiin Ajjeesaa, Qabeenya saamaa, Mana irratti gubaa, Mana hidhaatti guuree dararaa kan ture fi yeroo ammaa kanas kan yeroo kamii caalaa jabaatee kan itti fufe ta’uun kan beekkamuudha.
Haaluma Kanaan Kibba baha Oromiyaa godina Arsii bahaa ona Shirkaa Araddaa Noonnoo Jaawwii jedhamu keessatti Onkololeessa 28/2025 loltoonni sirna pp namoota nagaa 14 jjeessuun baramee jira.
Onicha kana keessatti yeroo hedduu irra deddeebiin gochi wal fakkataan raawwatamaa kan ture yoo ta’u, humnoonni nageenya mootummaa kun ummata nagaa nama 14 bakka tokkotti ajjeesuu maddeen keenya achii nuuf himanii jiru.
Godinuma kana Arsii Bahaa Ona Shanan Kooluu ganda Laaftoo- Rifeensoo jedhamu keessatti loltoonni mootummaa maanguddoo ganna 65 tokko ajjeesuun kan beekkame ta’uus maddeen gabaasanii jiru.
Maanguddoo maqaan isaa Sheek Ahimed Muummee Aliyyii jedhamu badii tokko malee qabuun magaalaa Onichaatti geessanii hidhuun, ji'a tokkoo oliif hiraarsaa erga turanii booda Onkololeessa 25,2025 halkan mana hidhaa irraa baasuun ganda Laaftoo- Rifeensootti deebisanii ajjeesuu jiraattonni maddeenkeenyaaf himanii jiru.
Maanguddoon kun umriin isaanii ganna 65 ta'uu fi abbaa ijoollee 10 akka ta'e jiraattotni himuun, nama hawaasa keessatti jaalatamaa, kabaja ol-aanaa kan qabu, akkasumas amantii isaa jabeeffachuu fi ijoollee isaa guddifachuu malee yakka isa ajjeesisu kan hin qabne ta’uu jiraattonni hiamni jiru.
Haalli onicha keessa jiru hedduu kan ulfaatu fi namoota hedduu ukkamsanii mana hidhaatti giuuraa kan jiraniidha jedhan. Inumaayyuu mooraa hidhaa sana keessatti ilmaan dhiiraa akka isaan ilmoo hin arganne kolaasuu fi dubartootas gadameessa isaanii irratti miidhaa geessisaa akka jiran odeessi argame ni addeessa.
Similar posts:
Ogeeyyiin fayyaa Naannoo oromiyaa iddoowwan garaagaraattii argaman kaffaltii hojii saa'atii idileen alaa Wal qabatee rakkoo keessa Akka jiran Godinaalee Oromiyaa garaagaraa irraa komii isaanii dhageessisaa jiraachuun barame.
Projektiin Buufata Xiyyaara Bushooftuu namoota 15,000 qe'ee fi qabeenya isaanirra buqqise jedhame.
Godina Salaaleetti kan argamu hojjattoonni Hospitaala Waligalaa Kuyyuu baatiiwwan arfan darbaniif kafaltiin hojii yeroo sa'atii dabalataa nuuf hin kafalamnee jedhan.
Godina Arsii, Aanaa Roobee Magaalaa Saddiiq keessatti qaamni mootummaa dargaggota mana hidhaatii baasanii dararaa hamaa irratti raawwachaa jiraachuu maddeen dubbatan.