Keeniyaan murtee galmee koolu - galtoota Itoophiyaa fi Eertiraa irratti dabarsiterratti ibsa kennite
Published Oct. 24, 2025, 2:09 p.m. by FNN Staff
ODUU FNN
Keeniyaan iyyata koolu galtummaa lammilee Itoophiyaa fi Eertiraa tokko tokkoon akka ilaaltu beeksifte. Kunis murtee galmee himataa koolu galtootaa lammilee Itoophiyaa fi Eertiraa ilaalchisuun waxabajjii darbe murteessite ibsa kenname ta’uun ibsameera.
Komishinarri Dhimma Baqattootaa Keeniyaa kan himata Mana Murtii Ol’aanaatti dhiyaateef deebii kennan, galmeen koolu galtoota kanneen dubartoota, daa’imman, qaama miidhamtootaa fi namoota miidhaan qaamaa irra ga’eef dhimma isaanii addatti ilaaluuf akka jiru himani.
Bakka bu’aan Komishinarri Dhimma Baqattootaa Meersii Muwaasaaruu, dhimmoonni ilaalamaa jiran qajeelfama seera idil-addunyaatiin kan mirkana’aan ta’uu, namni tokko biyya itti miidhaan irraa gahee , biyya ari’atamee, dararaamee, ykn miidhaa cimaa biroo isaan mudatutti akka hin deebisne seerii idila-addunyaa akka dhorku ibsuun,kanas seera kana akka kabajan mirkaneessaniru.
Itti dabaluudhaanis, qajeelfamni kun Adooleessa 31, erga bahee booda, biyyoota lamaan irraa iyyannoowwan 100 ol eeyyama argachuu ibsaniru.
Dhaabbileen miti mootummaa hedduun garuu murtee kana mormanii jiru. Sababani qajeelfama kuni mirga baqattootaa fi koolu galtootaa sarbaa jira jedhan.
Ergasii Manni Murtii Olaanaa ajaja mootummaan galmee koolu galtoota biyyoota kanneenii akka hin dhaabne dhorku baase.
Dhaabbileen kunneen qajeelfamni kun tumaalee seeraa kamiyyuu kan hin hundofne, amanamummaa badaa akn of keessaa qabu , akkasumas aangoo seeraan eyyamame kan sarmu ta’uu ibsan.
Similar posts:
Baqattonni Itoophiyaa 65 Sa'uudiitti du'a eeggataa jiran birmannaa gaafatan
Sudaan Kibbaatti namoonni miiliyoona saddeetitti dhiyaatan balaa beela hammaataaf saaxilamuuf jiru jechuun dhaabbileen miti - mootummaa akeekkachiisan
Pirezidaantiin bulchiinsa yeroo Tigraay kan mootummaan federaalaa yeroo aangoo bulchiinsa isaanii waggaa 1f dheeresseef kaleessa kaabinee isaanii walgahii waamanii waliin marii irra turan.
Haleellaa Matakkalitti raawwateen ''hojjattoonni qeeraa torba ajjeefamuu'' jiraattonni himan