Godina Wallagga Bahaa ona Giddaa Ayyaanaatti humnoonni finxaaleyyiin konkolaataa dhaabsisanii uummata saamuun dhagahame.
Published Oct. 1, 2025, 3:23 p.m. by FNN Staff
ODUU FNN
Akka Jiraattonni maddeeniif yaada isaanii kennanitti, Angar Guutee bakka Warabboo jedhamutti konkolaataa Giddaa irraa gara Naqamtee deemaa ture dhaabsisuun nama saaman jedhan.Kana malees namoota lakkoofsi isaanii ammaaf adda hin baanes konkolaataa sana keessaa ukkaamsanii fudhatanii akka deemanis jiraattonni maddeenitti himanii jiru. Rakkoo walfakkaataan akkanaa irra deddeebiin waan raawwatamaa jiruuf, Mootummaan humna kana guutuutti adamsee hanga naannawaa sanaa hin dhabamsiifnetti, finxaaleyyii hidhatanii nama nagaa fakkaachuun jiraatan hanga hin hiikkachiifnetti rakkoon uummataaa furmaata argachuu hin danda'u jedhu jiraattonni.
Rakkoo finxaaleyyiin uummata nagaarraan ga'aa tures irra deddeebinee gabaasuun keenya kan yaadatamuudha.
Similar posts:
Humnaan qabsoon godhamu Ameerikaa fi Deenmaark jidduutti hammaataa dhufe.
Kibba baha Suudaanitti haleellaa dirooniitiin namoonni 27 ajjeefaman.
Irree fi gaachanni saba Oromoo WBOn Zoonii Kibbaa tarkaanfii laalessaa loltoota diinaa irratti fudhateen diinota hedduu adabuun injifannoo boonsaa galmeessisuu beeksise.
Manni Murtii Ol'aanaa Dhaabbata Mootummoota Gamtoomanii dhimma duguuggaa sanyii Rohinjiyaa dhaggeeffachuu eegaluufi.