Gatiin boba'aa torbanoota dhufan keessatti sadarkaa ol'aanaa galmeessuu akka danda'u himame!
Published April 15, 2026, 3:11 p.m. by FNN Staff
ODUU FNN
Waraanni Baha Jiddu Galeessaa keessatti deemaa jiru gabaa anniisaa addunyaa irratti dhiibbaa guddaa uumuu akkuma itti fufetti jira.
Ministirri Inarjii Ameerikaa Kiriis Raayit sababa jeequmsa doonii daldalaa karaa Strait of Hormuz muudateen torban muraasa dhufan keessatti gatiin boba’aa sadarkaa ol'aanaa irra gahuu danda’a jedhan.
Gatiin boba’aa sadarkaa amma irra jiru irraa dabaluu itti fufa. Hanga sochiin doonii hiika qabu karaa Strait of Hormuz deebi’ee jalqabutti hir’inni gatii boba'aa hin eegamu jedhaniiru.
Ministirri kun gatiin “torban muraasa dhufan keessatti” sadarkaa ol'aanaa irra gahuu danda’u akeekan.
Waldhabdeen US fi Iraan jidduu jiru yoo xummuramellee, gatiin boba’aa hatattamaan gadi bu’a jedhanii eeguun “dhugaa ta’uu irraa fagaateera” jechuun Ministirri Raayit akeekkachiisaniiru.
Gatiinis hanga gannaatti (summer) tasgabbaa'uun isaa hin oolu jedhanii yaaduun rakkoo akka taye ibsameera.
Gurraandhala.28/2026 irraa eegalee waldhabdee Ameerikaa-Israa’el fi Iraan jidduutti hammaatee booda, dooniiwwan biyya alaatif Strait of Hormuz cufaa tahuun
gabaa tasgabbii dhoorgeera.
Dhukaasa dhaabuu fi mariin nagaa torban lamaaf Paakistaan jidduu galeessa godhate dhuma torbee darbee kufuun himameera.
Kana hordofuun Ajajni Jiddugaleessaa Ameerikaa (CENTCOM) buufata doonii Iraan irratti humna galaanaa cimaa akka ugguruu beeysise.
Hoggantoonni addunyaa waldhabdeen kun akka dhaabbatu wayita gaafataa jiranitti, gabaan anniisaa rakkoo guddaadhaaf qophaa’aa waan jiru fakkaata.
Similar posts:
Walga’iin biyyoottan miseensa Biriiks (BRICS) Deelhiitti gaggeefafmaa jiru wal dhabbee Iraan irratti waliigaltee tokkorra utuu hin gahin goolabame
Qabsoo Oromoo keessatti aarsaa guddaa kan kafalan obbo Waldayohaannis Hundee du'aan addunyaa kana irraa boqotan.
Jilli Tiraamp sodaa basaasaa irraa kan ka’e Chaayinaa gadhiisuu isaa dura bilbilootaa fi kennaa barbadeessuun ibsame.
Sanyiin Vaayirasii Iboolaa Haaraa Talaallii Hin Qabne RDC Keessatti Tatamsa'aa Jiraachuun barame.